Гастролі Купалаўскага тэатра ў Магілёве
18 июня 2024 13:42
Толькі на адзін дзень — 26 чэрвеня — музычная камедыя «Пісаравы імяніны» завітае ў Магілёўскі драматычны тэатр.
Спектакль «Пісаравы імяніны» па п’есе беларускага драматурга Уладзіслава Галубка ўпершыню быў паказаны на сцэне Купалаўскага тэатра ў студзені 1921 года ў пастаноўцы Фларыяна Ждановіча. Але і амаль праз стагоддзе п’еса не губляе свайго нацыянальнага каларыту і народнага гумару!
У чэрвені Купалаўскі тэатр выступіць у Магілеве. Ці даўно Вы былі на сапраўдных імянінах? Час настаў! Пісар і яго цудоўная разнамасная кампанія запрашаюць. Весялосць, песні, скокі, сапраўдная бойка і нават любоўная інтрыга… усё гэта падорыць вам незабыўныя эмоцыі і добры настрой.
Рэжысёр-пастаноўшчык Павел Марыніч
Працягласць – 2 гадзіны з антрактам
16+
